واحد المرا بدلات النمرة د التيليفون، وبغات تفاجئ راجلها.
مشات للكوزينة، وعيطات ليه، قالت ليه: ألو يا عمري.
قال ليها: عيطي من بعد، راه البڭرة ف الكوزينة.
واحد قال لصاحبو: سلفني 500 درهم الله يرحم بيها الواليدين.
قال ليه صاحبو: 200 درهم اللي عندي.
قال ليه لاخور: ماشي مشكل، عطيها ليا ونبقى نسالك 300درهم
الزوج : فيا الجوع
الزوجة : أنا مريضة
الزوج : ما عندك زهر، كنا غادي نخرجوا نتعشاو برا أنا وياك
الزوجة : ھھھهه كنت كنضحك معاك يالاه نمشيو نتعشاو
الزوج : حتى كنت كنضحك معاك سيرى وجدي لعشا
واحد البنت كانت كتشوف راسها ف المرايا، وهي تعيط لأمها: ماما، ماما، ماما.
قالت لها أمها: مالكي؟ علاش كتغوتي؟
قالت ليها البنت: ما بقاوش غادي ينوضوا ليا الحبوب في وجهي
قالت ليها أمها: وباش عرفتي؟
قالت لها البنت: لحقاش ما بقاتش بلاصة
قالوا ليه : نوض تخدم
قال ليهم : علاش؟
قالوا ليه : باش دير الدار
قال ليهم : علاش؟
قالوا ليه : باش تزوج
قال ليهم : علاش؟
قالوا ليه : باش دير وليدات
قال ليهم :علاش؟
قالوا ليه : باش يخدموا عليك
قال ليهم :علاش؟
قالوا ليه : باش ترتاح
قال ليهم : راني هاكا مرتاح، علاش ندور هاد الدورة كاملة؟
[url=https://www.facebook.com/sharer.php?u=http://admin.noktazwina.com/index.php/noukat-3amma/686-fach-katfekker.html&t=%D9%81%D8%A7%D8%B4 %D9%83%D8%AA%D9%81%D9%83%D8%B1][/url]
واحد ووحدة مشاو للبحر، وجالسين ساكتين
قالت ليه برومانسية: كتفكر؟
قال ليها: اه
قالت ليه حشمانة: فاش كتفكر؟
قال ليها: كنفكر... إيلا كان هاد البحر كولو مرقة، شحال من خبزة تقدو
هادا واحد الراجل قال لمرتو: جيبي ليا جوج كيسان، واحد فيه الما وواحد خاوي
قالت ليه: علاش؟
قال ليها: نقدر نشرب ونقدر ما نشربش
واحد جاتو الفاكتورة ديال الما غالية بزاف
عيط للشركة ديال الما قال ليهوم: أهياوينا، ياكما الشتا هاد العام على حسابي؟
واحد المرا طلعات للطوبيس هازة ولدها الصغير
شاف الشيفور ف ولدها وقال ليها: هادا أخيب ولد شفتو ف حياتي
المرا طلعات للطوبيس غضبانة وبقى فيها الحال بزاف
جلسات حدا واحد الراجل وقالت ليه: هاداك الشيفور قلل من قيمتي
قال ليها الراجل: سيري ليه وطلبي منو يعتادر ليك، وأنا غادي نشد ليك القرد ديالك
واحد الراجل سول صاحبو: تعرف تعوم؟
قال ليه صاحبو: لا، ما كنعرفش.
قال ليه لاخور: هي الكلب حسن منك حيت كيعرف يعوم.
قال ليه صاحبو: ونتا كتعرف تعوم؟
قال ليه لاخور: اه كنعرف
قال ليه صاحبو: هي بحالك بحال الكلب.
[size=32]إوى كيجاوكم جاوبونا فشي كومونطير !!![/size]
